土耳其小城 (德範大廈) (已結業)

今次同老公帶埋小朋友一齊嚟到荃灣行街，見到附近有間土耳其菜幾吸引，今次就第一次試吓。見到隔籬枱叫咗啲串燒食，啲香味傳晒嚟我哋張枱嗰邊，所以我哋決定要叫啲串燒牛肉同埋烤羊肉。草原串燒牛肉(8串) $98牛肉串燒嘅質素真好掂！食落超級Juice，牛肉一啲都唔鞋，而係有好香濃嘅香料味道，上面仲加咗黑白芝麻增加口感。木炭烤羊件 $138 特別用咗免治羊肉，香料方面用咗芫荽籽完全可以蓋過咗牛肉嘅羶味，味道特別清新。而且係即叫即整再用咗鐵板上碟，熱辣辣咁食特別好味。淨係食串燒點夠喉，見到佢哋嘅烤餅有好多唔同嘅款式，今次我哋就揀咗土耳其薄餅，上面會有啲芝麻粒增加口感同香味，薄餅大大塊，而且好薄脆，大人同小朋友都好鍾意食。