影片
更多
2023-05-27
167 瀏覽
第一次幫襯，但絕對無下次。跟其中一位寫食評食客一樣，我從未寫過食評，但呢間伏到非寫不可。1.首先兩母女店員分別有唔同推介，阿囡講解邊啲飲品可跟餐半價享用。理解後落單，但媽媽老闆娘又話唔可以跟餐叫半價，要另外叫比正價。令我地有被騙感覺。2.媽媽老闆娘推介咸豬手。但幾分鐘後落單時話已經賣晒，當時得2枱客，第一枱已用餐，我地第2枱推介完突然話賣晒，推介我地食龍蝦。2 .向我地推介signature,不斷推介龍蝦，值得等。咁我地就叫左龍蝦配牛柳，龍蝦pizza。3. 龍蝦配牛柳，見到眼到突埋。原來牛柳係幾粒比蒜片更細既牛柳粒，好乾，無味。龍蝦得半隻，比想像中細隻好多，蝦肉太乾同超級咸。signature menu完全無相片。係我地唔岩，想像力應該太豐富，所以見到個幾粒細過指甲既牛柳粒時，同想像有一塊牛柳放在碟上實在有超級大落差。4.龍蝦pizza,等了又等。最終上來一個凹凸不平pizza碟，個龍蝦頭無法企穩。媽媽老闆娘堅持要龍蝦頭企穩。係衛生意識係零既情況下，老闆娘竟然隨手拿起同枱朋友已用過既叉同刀整理龍蝦頭，插落pizza，真救命！衞生問題，龍蝦頭唯有獻給刀叉有佢口水既朋友食用。pizza啲
1.首先兩母女店員分別有唔同推介，阿囡講解邊啲飲品可跟餐半價享用。理解後落單，但媽媽老闆娘又話唔可以跟餐叫半價，要另外叫比正價。令我地有被騙感覺。
2.媽媽老闆娘推介咸豬手。但幾分鐘後落單時話已經賣晒，當時得2枱客，第一枱已用餐，我地第2枱推介完突然話賣晒，推介我地食龍蝦。
2 .向我地推介signature,不斷推介龍蝦，值得等。咁我地就叫左龍蝦配牛柳，龍蝦pizza。
3. 龍蝦配牛柳，見到眼到突埋。原來牛柳係幾粒比蒜片更細既牛柳粒，好乾，無味。龍蝦得半隻，比想像中細隻好多，蝦肉太乾同超級咸。signature menu完全無相片。係我地唔岩，想像力應該太豐富，所以見到個幾粒細過指甲既牛柳粒時，同想像有一塊牛柳放在碟上實在有超級大落差。
4.龍蝦pizza,等了又等。最終上來一個凹凸不平pizza碟，個龍蝦頭無法企穩。媽媽老闆娘堅持要龍蝦頭企穩。係衛生意識係零既情況下，老闆娘竟然隨手拿起同枱朋友已用過既叉同刀整理龍蝦頭，插落pizza，真救命！衞生問題，龍蝦頭唯有獻給刀叉有佢口水既朋友食用。pizza啲龍蝦肉少到覺得無食過一樣。白色位置完全係芝士，龍蝦肉碎有少許。一個pizza切6片，我食左2片都食唔到龍蝦肉，朋友好好咁係佢自己個片pizza了左條大約1cm長龍蝦肉碎比我食，非常感動！pizza薄如紙，應該都係我地唔岩，menu得字無相片，無寫厚薄批，但我地無問係薄批定厚批，懷疑係有得叫厚或薄批，因為其中一個waiter埋單時話我地個係薄批。
5.可能唔小心大聲左少少講無下次，連其他食客有既自家製甜品都無比我地。但已經無期望會好食，所以食唔到覺得應該無損失。
6. 佢地問食客啲食物點樣，聽到食客答okay。到問我地時，由於唔想場面尷尬，我地原來都會講，okay。
7.見到menu英文version串錯啲重點字，唔敢出聲，費事以為我地有心話佢，所以睇完一笑置之。
8.第一次食二百幾三百元一碟既菜式係有性價比極低既感覺。供大家參考。但只食左signature呢啲，有機會其他嘢好食。我地食完有種無嘢落肚感覺，唯有再搵另一間再食飽飽。😆
張貼