烤吧31

營業中

休息中

深水埗新開嘅烤魚串燒專門店。當晚在無座無虛席，熱鬧非常。食烤魚前先叫咗啲串燒同小食。✨川味無骨鳳爪麻麻酸酸，非常開胃，仲要無骨好方便。✨烤扇貝扇貝非常大隻，又厚肉，加埋海量蒜蓉，滋味十足，扇貝底仲有啲金菇添。✨烤水魷魚/雞全翼/雞腎全部串燒要左中辣，辣到適中。當中最喜歡烤水魷，第一次食，幾彈牙。✨到左主角烤魚，六款魚、五款湯底可以選。我就揀左江團魚配蒜香酸菜湯底。江團魚啖啖肉，煎得好香，魚肉嫩滑，細骨唔多。湯底超級惹味，酸菜酸中帶甜，我食唔停口。烤魚本身無其他配料，我地額外加左萵筍、海帶、蓮藕、腐竹同烏冬。不過其實淨係條烤魚已經食到好飽好滿足。