豪門小菜火鍋

營業中

休息中

今日出發去旅行🧳 記錄一下食嘅最後的晚餐🤤 呢間小菜出名用料新鮮，今日特登同朋友一齊過嚟食小菜，真心都幾有驚喜🥢呢到出名招牌西澳龍蝦伊麵 ($420)，食完就明白點解係招牌，因為佢嘅龍蝦好大隻，而且幾多肉，食落去夠新鮮，爽口彈牙🦞芝士汁掛晒落個伊麵度真心一流🧀 見到佢門口仲有啲識游水嘅龍蝦，所以對佢嘅質素都好放心🤣除咗龍蝦，呢度嘅蒜蓉粉絲蒸扇貝 ($40/1)都好出色，扇貝非常大粒，鮮甜又彈牙，真嘅火候都掌握得啱啱好，唔會太老👍🏻加上大量嘅蒜蓉同埋索晒精華粉絲，送飯就啱晒☺️ 薑蔥桶蠔 ($168)都有好多隻蠔，而且隻隻都幾飽滿，而且用薑蔥爆香左，所以蠔嘅邊位微微脆，都做得幾出色🤤 椒鹽炒鮮魷 ($98) 都幾得意，呢到嘅魷魚肉質偏軟稔，而且都幾大塊，炸粉唔厚，加上大量嘅椒鹽調味，食落都幾香口😚 不過比較油膩，搵多幾個人分享比較好😂除咗海鮮，呢度仲出名食豪門卷 ($88/8件)，其實就係用麵包糠皮包住手打蝦膠墨魚膠，入邊仲有啲蔥，食落去幾香口，加埋佢嘅泰式辣醬幾夾🌶️ 蝦乾雜菌浸娃娃菜 ($88)雜菌同埋蝦乾爆香過，而且加咗啲芹菜同紅蘿蔔，令成個菜式唔會太單調🥰原本以為九龍城淨係出名食泰國