夜首爾

營業中

休息中

尖沙咀一直多韓國餐廳 夜首爾係其中比較受歡迎嘅一間🇰🇷由韓國人主理 主打地道韓國菜 款式好多 有韓國湯品/韓燒同醬油蟹等等 絕對頂到條韓癮💕我呢個食肉獸當然要來食韓燒啦Order完之後就上咗八款前菜先 全部都好好味😍尤其是茄子同青瓜木耳最不得了▪️調味牛肋骨韓式長切法 所以上枱嘅時候會見到長長一條連骨一齊上🐂咁樣都幾特別 俾我哋望一望影完相之後 店員就會幫手將肉剪開再燒 肉味夠濃郁 又juicy 尤其是近骨嘅位置特別香🤤▫️厚切五花腩有得揀厚切或者薄切 五花腩冇經過調味🐷不過燒起嚟都好香 冇任何肉嘅羶味 油脂平均 最鍾意油脂部份燒完之後帶少少微焦嘅效果 勁香口❤️▪️雪濃湯久違了的口味 以前去韓國旅行一定會飲 奶白色嘅雪濃湯用牛骨熬製 簡單用蔥同鹽調味 濃郁得嚟順口🍲湯入邊仲有好多牛肉同粗身米粉 口感同味道都更加豐富 仲會配咗一碗白飯 咁就可以跟返韓國正宗食法 撈埋做湯飯都得👍🏻