佐賀山田 (已結業)

食牛对于我来讲系一种享受，所以我会更加倾向于揾各种牛肉放题。有朋友介绍话青衣有间和牛烧肉放题，谂都唔使谂就即刻定位过嚟食。我哋点嘅系安格斯和牛松放题，入边已经有好多款选择。未燒之前会先上一盘有各种牛嘅拼盘，等我哋可以试吓边一只牛好食先，呢个系我欣赏佢嘅地方。睇吓个牛小骨烧到几好睇，睇落唔算肥，食完之后都感觉唔膩，好有牛味好好食。放题仲包含有黄油烧生蚝，甲羅烧，不过味道冇牛咁好食。今次放题解锁咗一種食物新食法，就系黄油烧蒜头啦，开始以为烧蒜头味道会好大，点知烧耐左之后，啲蒜头味已经冇晒变成一啲好粉糯嘅蒜头，正！除咗烧和牛，佢仲有各种嘅小食同饮料，呢个章鱼小丸子同鸡块都好好食，有我最钟意嘅荔枝乌龙茶好满足。另外仲有各款甜品，个泡芙好正入边系冻冻地嘅雪糕。佢嘅价钱都比较合理一定会再嚟。