大滿喜日本料理 (已結業)

好耐冇食放題！今晚同朋友放工要食個夠！決定來個宵夜時段～喺觀塘地鐵站附近既亞太中心有好多食肆，今日就揀左呢間。宵夜時段21:00-23:00，$178加一好抵食！我地勁開心！朋友超鍾意雲石，話呢間店用雲石枱加分😂😂😂特別一提佢而家仲可以食埋火鍋，好正！但見係食放題，我地就揀個配合主題既壽喜燒，仲有個火鍋區可以再加配料，主攻海鮮，攞左花甲加餸，好大隻好甜美！刺身都冇渣流灘，又有油甘魚、希靈魚等等。全部都好新鮮😋😋其他野我地就咩都叫啲試下，全部都好有水準。羊架黎到已經話好香😆😆；牛舌加七味粉好惹味；芝士開邊蝦好多芝士🤤🤤；仲要連泰式生蝦都好好食，朋友本來唔食生既蝦，怕腥都食左隻。飲品方面有好多野飲揀，我仲記得之前有fd話如果嗰啲任食既店舖係有得拎可樂呀道地嗰啲係正既，話來貨貴啲，呢度真係有齊可樂同道地既茶😂👍🏻仲有清酒梅酒任飲，拎左梅酒飲，大家都覺得幾好飲，唔會太啃。最後仲食埋甜品，都好多款揀，拎左咖啡味食，唔會太甜，幾好！同埋細細件，唔會塞到你好飽食到一件試唔到其他款。另外要一讚係佢地一早有個兜係俾人裝骨！方便得來衛生👍🏻👍🏻欣賞呢個做法。總括而言，呢個放題好抵食😆😆正價時段都係二百幾，