影片
更多
2022-01-03
77 瀏覽
之前已經好想試 不過屯門吾就腳 估吾到佢竟然係寶琳開左分店 新界人有福啦😋😋因為佢裝修好特別 佢係日本風既裝修 設計參考左日本歌舞伎町無料案內 而且門面仲有霓虹燈招牌 好搶眼😆佢雖然主打甜品 但都有日本基本主食供應 所以就算當正餐食都可以啦 仲有章魚小丸子而且佢落單都係用QR CODE落單 好方便嫁-🧏🏻♀️溫馨提示：大家要留意返 佢開門時間係夜晚6:00 所以大家吾好晏就去白撞啊🤣而屯門就星期一休息 其他時間就開晏就12:00 不過非常好嘅係兩間都開到凌晨2:00，完全吾怕食完飯要食到好急-▪️ 梳乎厘班戟套餐 $103 Oreo 朱古力流心梳乎厘班戟 芝士奶蓋茶王 配寒天晶球▪️ 窩夫套餐 $76 炙燒焦糖布甸麻薯窩夫 芝士奶蓋靜岡鳥龍▪️ 深宵食堂日式炒麵 $48▪️ 深宵食堂大板燒 $46▪️ 芝士蟹籽章魚燒 $42#梳乎厘班戟套餐佢套餐意思係一款梳乎厘加野飲，我今次叫左Oreo 朱古力流心梳乎厘班戟，個梳乎厘班戟賣相已經好吸引，咬落去質地吾算太鬆軟，如果佢同日本相比個口感空氣感吾夠，不過蛋香味夠重，因為鋪頭用日本產嘅雞蛋🤤而食到中間發現
-
🧏🏻♀️溫馨提示：大家要留意返 佢開門時間係夜晚6:00 所以大家吾好晏就去白撞啊🤣而屯門就星期一休息 其他時間就開晏就12:00 不過非常好嘅係兩間都開到凌晨2:00，完全吾怕食完飯要食到好急
-
▪️ 梳乎厘班戟套餐 $103
Oreo 朱古力流心梳乎厘班戟
芝士奶蓋茶王 配寒天晶球
▪️ 窩夫套餐 $76
炙燒焦糖布甸麻薯窩夫
芝士奶蓋靜岡鳥龍
▪️ 深宵食堂日式炒麵 $48
▪️ 深宵食堂大板燒 $46
▪️ 芝士蟹籽章魚燒 $42
#梳乎厘班戟套餐
佢套餐意思係一款梳乎厘加野飲，我今次叫左Oreo 朱古力流心梳乎厘班戟，個梳乎厘班戟賣相已經好吸引，咬落去質地吾算太鬆軟，如果佢同日本相比個口感空氣感吾夠，不過蛋香味夠重，因為鋪頭用日本產嘅雞蛋🤤而食到中間發現有朱古力流心，不過就好少，睇落去無流心感覺。味道一般，不過性價比非常高，因為佢有兩件梳乎厘。而野飲我簡左芝士奶蓋茶王配寒天晶球，吾想成日食珍珠嘅人，可以試下寒天晶球，口感差吾多，不過佢成禁野飲都好淡味，不過我覺得係刻意，因為甜品偏甜同埋大份，如果佢嘅野飲仲好甜就會成餐都好膩。
#窩夫套餐
我地叫埋另一款套餐，今次簡左炙燒焦糖布甸麻薯窩夫。睇落去幾特別，本身以為係麻糬加窩夫，但係原來成個窩夫都係用麻糬整成，但食落去依然食到窩夫少少脆嘅口感😲不過主要都係煙韌 ，而面頭鋪滿布丁醬，布丁味吾夠重，不過加埋燒過嘅焦糖，微微甜味配埋麻薯窩夫就岩岩好，又吾會掩蓋左窩夫香味。因為我第一次食麻薯窩夫，成個配搭好吸引我返轉頭再試。而另外一杯就芝士奶蓋靜岡鳥龍，茶味出少少，不過都偏淡，野飲建議大家為解膩先叫。
#深宵食堂日式炒麵
味道比較覺得普通，因為食落去無炒麵香味，而且雖然睇落去好似好多醬，不過真係吾太食得出個味道，而且好似落左好多味精，因為食完好口渴😂😂
#深宵食堂大板燒
粉漿開得唔錯，食落唔會成口漿，不過我就覺得多醬都係吾夠味，不過食到中間好多餡料，大板燒有餡料，比日式炒麵味道出，就算醬汁吾夠，都吾會太難食，不過同最原始日本味道有距離，不過純粹想飽肚又吾太差，價錢又想平，禁會係吾錯選擇。
#芝士蟹籽章魚燒
章魚燒有8粒，不過吾算好大粒。外層少少脆，而且有少少好似燒得太耐，水份都吾太夠，所以令出面皮厚左少少，咬落去每粒章魚燒都有食到有章魚仔，而吾係章魚碎，而且粒粒面頭都鋪左木魚，而且有芝士同蟹籽，味道都夠濃，幾好食😋
—————————————-——————-—————-
📍Location
將軍澳毓雅里7號富麗花園地下1號舖
📍Branch Store
屯門
.
🕙Business hours
星期一至日 18:00-02:00
張貼
