極尚大喜屋 (鱷魚恤中心)

營業中

休息中

lunch食放題係一個好選擇，除左感覺少人d，胃口仲會大d，可以食盡餐廳提供既美食飲料。一入座就點左刺身魚生，甜蝦鮮味濃，三文魚、八爪魚等刺身應有盡有。出面自行夾既食物當中，炸雞件脆口，保持到熱溫。章魚小丸子灑有好多木魚，jeng。因為鍾意食海鮮，所以食左唔少類型。其中燒扇貝超入味，蒜蓉微辣粉絲鋪係面，鮮味十足。而芝士燒大蝦唔膩，蝦肉彈牙，燒得夠火喉。必食。蒲燒鰻魚大大件，冇骨，燒到個皮都焦脆，熱辣辣。而花甲湯每粒既蜆肉都飽滿，湯底清甜，冇沙，鍋物暖入心。其他熟食亦唔馬虎，肉類方面，係放題中少見既燒乳鴿，肉肥美唔乾，皮脂豐厚。而牛柳超軟，唔韌亦冇筋，加入蔬菜炒香，惹味。炸物中，天婦羅炸皮唔會過厚，脆度依然保持到。燒菠蘿非常大塊，超級甜，燒到d糖粉出哂黎~飲品放哂入幾個大雪櫃之外，仲有暖櫃，而且仲有提供小小一壺清酒。另外，雪櫃放有大量甜點，例如芝士杯、煙韌既卷物，包裝好既豆腐花、乳酪都有。整體，食物種類多到食唔哂咁多款，而且侍應收碟快手有禮，完全好自在。抵食兼食物味道有保證。