阿杏飯團 (駱駝漆大廈第三座)

營業中

休息中

呢間飯團近呢一兩年擴散好快，最近好多地方都見到有分店，之前連澳門都見到！每次見到都好想試下，價錢合理，除咗飯團外，佢嘅飲品都好特別，好多鮮果茶。奈良黑椒雞扒飯團 $39除咗有雞扒外，仲配有好多肉鬆，食咗半個嘅時候已經好飽，味道好好👍海草八爪魚飯團 $41有海草、八爪魚、肉鬆等等配料，同樣都係食半個已經好飽！轉套餐配嘢飲有85折，折咗一杯都唔駛$30，咁當然要配嘢飲，如果唔知點揀，仲可以揀佢哋嘅熱門組合。四季檸檬茶 $25.5呢杯係店員推介特飲系列，檸檬清爽，茶底甘香，揀咗少甜但本身都唔係好甜，突出檸檬茶嘅澀味。仙草奶茶大滿貫 $28飲手搖一定要有配料嘅我，最鍾意就係一大杯都係配料，有珍珠、仙草、椰果，飲到最後冇晒奶茶仲淨返配料🤣🤣，奶茶味都好濃郁好滑。