影片
更多
2020-04-23
971 瀏覽
New Punjab Club #中環 ❗️超滿意米芝蓮一星印度菜❗️Black series又返嚟，由而家起直至19/4🤩對於上次食唔到呢間一星米芝蓮印度菜一直耿耿於懷，今次諗都唔諗即刻把握呢個機會😍果然好食，冇諗過印度菜都咁有驚喜🇮🇳！招牌咖喱角 Samosa Chaat🥠咖喱薯蓉 脆麵 碗豆醬 乳酪頭盤有印度常見小食-咖喱角！但有別於一般春卷嘅外皮，佢係有少少厚度得來非常酥脆，仲要加埋脆麵🥰餡料亦都同一般嘅咖喱角唔同，將薯仔同青豆磨成蓉，加上香料味十足嘅咖喱調味，超級惹味🤩最特別係配上鷹嘴豆用牛油果蓉乳酪醬番石榴薄荷醬等等，口感同味道份外豐富！香烤雞腿 Murgh Tikka Angar 🍗香料燉雞腿合桃乳酪醬主菜每人有兩隻雞髀🍗🍗用上傳統印度烤製，非常入味🥰唔好睇佢外表乾爭爭咁，但絕對唔鞋。配埋加上合桃酸酸甜甜嘅乳酪，係有驚喜嘅印度雞髀！芝士菠菜🥬Saag完全冇諗到連菠菜都咁好食！同西方加上忌廉煮成蓉嘅菠菜唔同，保留原塊菠菜，但加上蒜頭芝士作調味，香到冇得頂🤩！牛油雜豆🧈Mattar我第一次覺得青豆好味😍用上牛油忌廉蓋過咗青豆嗰浸青草味，將青豆煮成半蓉，保留少許豆嘅口感，超憎青豆嘅
❗️超滿意米芝蓮一星印度菜❗️
Black series又返嚟，由而家起直至19/4🤩對於上次食唔到呢間一星米芝蓮印度菜一直耿耿於懷，今次諗都唔諗即刻把握呢個機會😍果然好食，冇諗過印度菜都咁有驚喜🇮🇳！
招牌咖喱角 Samosa Chaat🥠
咖喱薯蓉 脆麵 碗豆醬 乳酪
頭盤有印度常見小食-咖喱角！但有別於一般春卷嘅外皮，佢係有少少厚度得來非常酥脆，仲要加埋脆麵🥰餡料亦都同一般嘅咖喱角唔同，將薯仔同青豆磨成蓉，加上香料味十足嘅咖喱調味，超級惹味🤩最特別係配上鷹嘴豆用牛油果蓉乳酪醬番石榴薄荷醬等等，口感同味道份外豐富！
香烤雞腿 Murgh Tikka Angar 🍗
香料燉雞腿合桃乳酪醬
主菜每人有兩隻雞髀🍗🍗用上傳統印度烤製，非常入味🥰唔好睇佢外表乾爭爭咁，但絕對唔鞋。配埋加上合桃酸酸甜甜嘅乳酪，係有驚喜嘅印度雞髀！
芝士菠菜🥬Saag
完全冇諗到連菠菜都咁好食！同西方加上忌廉煮成蓉嘅菠菜唔同，保留原塊菠菜，但加上蒜頭芝士作調味，香到冇得頂🤩！
牛油雜豆🧈Mattar
我第一次覺得青豆好味😍用上牛油忌廉蓋過咗青豆嗰浸青草味，將青豆煮成半蓉，保留少許豆嘅口感，超憎青豆嘅我居然將所有青豆食晒！
牛油薄餅🧇Butter Naan
呢個牛油薄餅都幾厚身，而且好大塊，略帶煙韌，就咁食都好香。
蔬菜沙律🥗Hara Salaad
紅蘿蔔青瓜蘿蔔
係醃製咗嘅蘿蔔青瓜，酸酸地配上獨特嘅芒果醬，清新開胃。
紅蘿蔔拖肥布甸🍮Carrot sticky toffee pudding
爆谷雪糕花生香蕉
呢一個甜品相信係每一個嚟呢一間餐廳嘅原因😍超特別嘅配搭，雖然話用上紅蘿蔔同香蕉，但唔太食得出，相反較為似拖肥磅蛋糕。佢想唔會太甜嘅拖肥醬，同埋超級特別嘅炮谷雪糕，雖然冇我想像中咁驚豔，但的確好食😋。
味道: 4.5/5
性價比: 4.5/5 (restaurant week)
整體來講，的確係超出色嘅印度菜餐廳😍味道的確比起一般嘅豐富！絕對係值得一食嘅餐廳，回頭度亦都好高🤩大家快啲趁仲有幾日black series 快啲book位啦😋😋😋！
紅蘿蔔拖肥布甸
89 瀏覽
2 讚好
0 留言
香烤雞腿 Murgh Tikka Angar
43 瀏覽
1 讚好
0 留言
香烤雞腿 Murgh Tikka Angar
218 瀏覽
2 讚好
0 留言
芝士菠菜 牛油雜豆 蔬菜沙律 花生
87 瀏覽
1 讚好
0 留言
招牌咖喱角 Samosa Chaat
230 瀏覽
1 讚好
0 留言
張貼
