影片
更多
2022-09-18
102 瀏覽
食放題有時限真係食得冇咁過癮... 尤其係食火鍋... 食到滾水淥腳就唔好啦!😝 我老友就醒喇... 搵咗間無時限嘅火鍋放題同我提早慶祝生日🥳... 可以慢慢食... 慢慢傾!🤭✨馬祖無限時台灣養生涮涮鍋📌旺角彌敦道628號瓊華中心11樓馬祖無限時台灣養生涮涮鍋場地乾淨企理... 而且非常闊落... 坐都坐得舒服d!呢間火鍋店主打係養生藥膳湯底... 湯底選擇接近20款... 有辣有唔辣... 當中養生藥膳選擇就有: 養生蟲草花桃膠雞涮涮鍋、台灣養生醉雞涮涮鍋、藥膳花膠雞涮涮鍋等等！心思思又想食至愛嘅麻辣鴨血蜂巢豆腐鍋... 又想試養生蟲草花桃膠雞涮涮鍋🤔 咁... Why not both呢?! 嚟個雙併咪得lor😜 加多$48就可以有鴛鴦湯底啦!😆蟲草花桃膠雞湯底雞味香濃... 而且好足料... 睇我d相就知道... d蟲草花同桃膠食極都仲有!🤭至於麻辣鴨血蜂巢豆腐有3種辣度選擇... 我揀咗少辣... 辣度啱啱好! 最開心係d鴨血夠正宗... 係我至愛嘅台式口感... Q彈嫩滑... 唔會一夾即散... 配麻辣湯底真係好味到爆燈!💡💡💡💡💡因為今日係幫我慶生... 老友話要食
✨馬祖無限時台灣養生涮涮鍋
📌旺角彌敦道628號瓊華中心11樓
馬祖無限時台灣養生涮涮鍋場地乾淨企理... 而且非常闊落... 坐都坐得舒服d!
呢間火鍋店主打係養生藥膳湯底... 湯底選擇接近20款... 有辣有唔辣... 當中養生藥膳選擇就有: 養生蟲草花桃膠雞涮涮鍋、台灣養生醉雞涮涮鍋、藥膳花膠雞涮涮鍋等等！
心思思又想食至愛嘅麻辣鴨血蜂巢豆腐鍋... 又想試養生蟲草花桃膠雞涮涮鍋🤔 咁... Why not both呢?! 嚟個雙併咪得lor😜 加多$48就可以有鴛鴦湯底啦!😆
蟲草花桃膠雞湯底雞味香濃... 而且好足料... 睇我d相就知道... d蟲草花同桃膠食極都仲有!🤭
至於麻辣鴨血蜂巢豆腐有3種辣度選擇... 我揀咗少辣... 辣度啱啱好! 最開心係d鴨血夠正宗... 係我至愛嘅台式口感... Q彈嫩滑... 唔會一夾即散... 配麻辣湯底真係好味到爆燈!💡💡💡💡💡
因為今日係幫我慶生... 老友話要食豪d... Order咗最貴套餐... 可以無限時任食極級SRF極黑和牛肩脊肉、極級Prime Grade安格斯牛頸脊、西班牙伊比利亞黑毛豬、Prime Grade美國安格斯牛肉、西班牙無激素豬肉片!😍
✨極級SRF極黑和牛肩脊肉
非常高質素... 油脂比例平均... 幾乎入口即溶... 而且每碟嘅色澤都差唔多... 讚!👍
✨極級Prime Grade安格斯牛頸脊
肉味濃郁... 肉質豐盈... 脂肪比例唔重... 唔會肥淋淋!
✨西班牙伊比利亞黑毛豬
脂肪比較多... 啖啖油脂香味... 食落非常軟腍!
✨Prime Grade美國安格斯牛肉
牛肉味較濃... 有嚼勁... 口感豐富!
✨西班牙無激素豬肉片
豬肉無激素... 食都食得安心d啦! 豬肉片色澤粉嫩... 肉味濃郁而且嫩滑!
呢度係掃QR code自助落單... 套餐除咗有以上嘅優質牛肉、豬肉... 仲有好多其他選擇㗎... 包括精選海鮮、鹵水嘢、手工丸丸、台式港式火鍋配料... 選擇多到揀極都仲有... 樣樣都想食!🤤
特別推介以下item:
✅手工黑松露墨魚滑
墨魚滑新鮮又彈牙... 加咗黑松露... 別有一番風味!
✅鹵水豬大腸
本身已經熟咗... 不過需要再翻熱... 翻熱之後食落好軟腍腍... 而且大腸洗得好乾淨、冇異味!
✅是日精選海鮮
有蜆、蟶子... 味道非常鮮甜又冇沙!
✅台灣鴨血
雖然已經order咗鴨血湯底... 不過實在太好味嘞... 完全係我最鍾意嘅台式風味... 所以都忍唔住encore完再encore!😋
✅雞髀肉
老友讚不絕口... 話d雞髀肉超嫩滑!
✅蟲草花香菇雞肉餃
皮薄餡靚!
✅黃金地瓜條
炸得香脆... 呢度提供四種調味粉選擇... 仲有個shake shake袋... 可以shake出自己鍾意嘅口味!😬
✅Movenpick雪糕
食完火鍋記得食番杯雪糕呀... 呢度嘅雪糕一d都唔cheap㗎... 我就揀咗杯裝Movenpick雲呢拿雪糕... yum yum!
飲品方面... 除咗提供唔同嘅汽水... 仲有自製冷凍烏龍茶/果茶可供選擇... 我就最鍾意愛文芒果茉莉花茶!
另外... 仲有少見貼心嘅暖櫃... 提供多款熱飲... 照顧唔同食客嘅需要!👍
除咗無限時夠吸引之外... 食材新鮮而且選擇多元化... 更加欣賞嘅係比起一般嘅放題... 呢度嘅服務質素一流! 點解我咁講... 就好似入座之後店員即刻好有禮貌走過嚟講解落單程序... 店員行經就會留意吓有冇碟需要收起... 唔會等到d碟座到成棟山先收... 臨走之前又問我地食咗雪糕未! 仲有每個店員都笑容滿面、好友善... 食客見到都開心d啦!😄
另外我幾欣賞嘅係... 每張枱都有兩樽預先裝好嘅湯底... 可以因應需要自己隨時加湯底!
整體嚟講... 今次嘅放題真係令我超級滿意... 食都食得特別開心... 我一定會搵機會再幫襯!😊
張貼
