巴辣仔烤魚雞煲 (加連威老道) (已結業)

今日我哋去咗尖沙咀加連威老道雞煲烤魚專門店食晚餐，餐廳有上下兩層，環境闊落，而且大部份都係卡位，社交距離充裕，食得會更安心我哋選擇咗坐上層，而醬料區，飲品區都係位於上層，所以坐上面會比較方便呢度嘅醬料佢仲有生果提供，當日提供嘅水果係西瓜同埋哈密瓜，生果亦相當鮮甜，我哋拎咗少少作為餐前菜呢度嘅落單方式係掃碼下單，非常方便，想幾時落單電話撳個掣就可以夏天咁熱，第一時間當然要叫一杯嘢飲先啦，呢度嘅飲品真係好大杯，單手都差啲攞唔起，飲品更有養生滋潤系列，我哋叫左桃膠雪燕綠茶，同埋雪燕桂花綠茶，少甜少冰絕對冇問題，性價比非常高然後我哋揀咗食烤魚，呢度有兩款烤魚可以選擇，我哋揀咗原條深海大班，烤魚上枱之後非常惹味，而且魚上面有大量芫荽同洋蔥，mix落去同啲魚一齊食，好夾！而深海大班魚肉非常嫩滑而烤魚個價錢已經包含咗幾款配料，我哋叫咗萵筍片、豆芽、薯仔，全部配料都好入味，而且條魚亦相當xl size，好在我哋四個人去，之後仲可以放一啲邊爐材料所以我哋叫咗炸魚皮同埋鵝腸，炸魚皮非常香脆，鵝腸我哋要求少膏，因為想冇咁肥膩，真係有少膏！總括嚟講呢一間餐廳絕對有下次，因為啲烤魚真係一試難忘