滿串自家醃制串燒店 (砵蘭街)

營業中

休息中

同傻瓜行過見到幾得意就入黎食, 點知一食就驚為天人!舖面其實幾細, 分外面街(吸煙)同舖內(非吸煙)。舖內其實都係得十幾個座位左右。裝修幾新幾靚, 冷氣夠大 (好緊要!)。生蠔可以用開生同燒過既。選既蠔無比名我地 (店員自己都唔知), 但海水味重, 肉比較實同飽滿。強烈推薦燒生蠔, 個蒜泥真係一絕!車厘茄同京蔥係必食! 前者好Juicy, 後者非常香。圓滿雞就係雞脾, 肉比較老, 只係一般。燒茄子同帶子我就覺得一般, 但傻瓜話茄子is a must eat。最尾個價錢都唔係太貴, 百幾蚊一個我覺得ok!一定會再黎!(順帶一提, 背心哥哥既服務態度好好! 抵讚!)