韓膳宮 (已結業)

今日放Lunch俾同事拉我去咗間食韓國嘢嘅餐廳話帶我試吓，仲話我食完一定會再回頭咁話！咁呢間餐廳係位於旺角通菜街嘅韓膳宮。我哋入到餐廳之後，感覺舒服同乾淨👍👍睇咗餐牌之後，我叫咗個紅炆牛肋骨🐄，同事就叫咗辣海鮮滑豆腐湯🍲我覺得個紅炆牛肋骨真心好食，肉質軟軟，d牛肋骨又炆到勁入味，連紅蘿蔔都完全入晒味🤤同事叫嘅辣海鮮滑豆腐湯，我都有試，滿滿嘅海鮮布滿係湯上面，夠晒睇頭，豐富嘅配料加上新鮮嘅海蝦同滑嫩嘅豆腐，真係啖啖滋味又暖身😋天氣凍既時候食到熱辣辣又好食既野真係好🥰🥰