京日本料理 (已結業)

最近發生了不少好事，遇到舊朋友，撞到舊同事，重拾了我們的年輕回憶。今天便相約他們一齊吃晚飯談天說地，好好敘舊一番!舊朋友說，他是這間餐廳的常客，若不是他帶路，相信我們也很難找到餐廳，因為招牌有點太細啦! 今晚光顧，人客不多，師博說是因為交通有阻滯的關係，還是建議客人先訂座啦！Omakase $1500/位全由師博決定的廚師發辨，比$1000/位的廚師發辨，更有驚喜架!前菜有青瓜漬，明太子蒟蒻和黑松露南瓜。一口一個，打開味蕾。用蘿蔔蓉和酸汁調味過的真蠔，令蠔鮮更突出，好新鮮呀!好少食白子，因為白子只係冬季的時令刺身，而且有豐富蛋白質，女仔食就更適合。旁邊的腦天超好食，腦天係吞拿魚的頭頂用，好珍貴好肥美，炙燒後好正。師博大推薦食的香箱蟹，又係時令菜式，蟹蓋有蟹籽，蟹膏和蟹肉，首次食香箱蟹的蟹籽，完全與别不同。第一件係鰤魚壽司，鰤魚味淡，但仍能食出魚鮮美味。第二件係車海老壽司，師博細心把蝦切半，更易入口。蝦肉好彈牙，好食呀。第三件係生筋子壽司，首次食生筋子，賣相好特別，偏向深橙色，比三文魚子更鮮美。第四件係安康魚魚肝，超幼滑呀。最後有和牛炒飯和象拔蚌湯，和牛飯好有獲氣，我超喜歡呀。