英王麵包店 (已結業)

今日一早我們喺尖沙咀做嘢，一直做到下午都未食飯，我們覺得非常肚餓，但由於餓過頭嘅關係，個胃有啲唔係好舒服，我們行過尖東站見到「A-1 Bakery」，所以就入咗去買個麵包嚟食！我們買咗Handy布朗尼牛角酥系列嘅兩款味道，朱古力布朗尼牛角酥同抹茶布朗尼牛角酥！牛角酥焗得相當酥脆，食落好脆卜卜，而且唔會有好油膩嘅感覺，中間夾著好粗身，味道非常香甜濃郁嘅朱古力布朗尼，令到層次感更加豐富，朱古力味呢個嘅味道好夾好配合！而抹茶味呢個就有啲抹茶粉灑喺牛角酥表面，入面嘅餡料有好香濃抹茶溶同香甜嘅紅豆粒，味道唔會過甜，抹茶同紅豆係最佳嘅配搭！