更多
2022-01-11
100 瀏覽
今日又係自己一個人食晚飯嘅時候啦,自己一個人食嘢就可以揀一啲自己好想食嘅嘢,今日心血來潮地好想食有啲中菜嘅餐廳,於是就去咗呢一間皇室冰廳食晚飯!見到晚餐有好多唔同嘅餸菜可以選擇,我自己今次就叫咗呢一個魚香茄子煲!好耐都冇食過魚香茄子煲啦,一上枱嘅時候就已經聞到好香嘅魚香茄子煲味道!上面嘅茄子份量好多,同埋呢一個魚香嘅醬汁非常適合撈飯!另外,呢度嘅茄子做得好林,好有口感,再加埋上面真係沾滿晒魚香嘅味道,令到成個茄子都非常入味!整體來講,呢間餐廳好值得大家做飯堂,有好多唔同嘅選擇,如果唔想自己煮飯,又或者諗唔到食咩嘅話,都係一個非常好嘅選擇!
張貼