一品雞煲火鍋

營業中

休息中

有日朋友突然心血來潮想食雞煲。我在之前聽朋友介紹土瓜灣有間食雞煲不錯的鋪頭(一品雞煲)，於是我和兩個朋友一行三人去試一試。該鋪頭位於地牢的，可能租比較平，所以鋪頭地方比較大。坐定定後，我地睇睇餐牌之後便點了一個中辣雞煲(全隻)，雞煲份量都好足，雞煲味道夠濃，但又唔算太辣，相當“野”味。食完雞煲就落湯打邊爐，我哋叫左一碟大嘅A5肥牛(份量少，都好有牛肉)、墨魚滑、蝦滑、響令、娃娃菜、全蛋麵……兩個滑都相當好味和爽口，分別係由墨魚同蝦做。響鈴就不過不失，娃娃菜都新鮮很有菜味。但不可不提就係果個全蛋麵，事關一向我對全蛋麵的印象都唔係咁好，但今次食過之後令我對全蛋麵完全改觀，因為麵質爽口彈牙，好有麵味 ! 最後講埋佢地嘅環境同服務，地方相當大，燈光夠光猛，清潔程度滿意。至於服務質素方面，員工都不時為人客加湯，落單後，食物都大概3，4分鐘就會送到。另外佢哋設有幾部大電視俾客人收看，如果有球賽賽事佢哋仲有得播，令客人多一樣娛樂選擇，整體黎講依間鋪頭都幾好嘅。