星味工房 海南雞專門店 (已結業)

同朋友去粉嶺，佢見到呢間舖頭好似幾吸引咁就入去試下。黎果陣係星期六既十二點幾左右，唔算多人。舖頭唔算大，座位唔太多。選擇都唔少，價錢都ok。我哋叫左黃金雞湯拉麵，同埋四寶丸喇沙狗仔粉。是日menu。黃金雞湯拉麵。雞湯超正！湯底超濃味，但係唔會好咸，飲完唔會口渴；雞幾滑，但係有少少碎骨；麵幾煙韌。唔錯既選擇，幾好食。四寶丸喇沙狗仔粉。唔太辣，可惜椰汁味唔係好夠。d丸冇雪味，唔錯。總括黎講，味道唔錯，價錢唔會好貴，環境都ok，店員都好有禮貌，值得一試。