影片
更多
2023-01-03
41 瀏覽
銅鑼灣新開主打鐵板燒既日本料理餐廳，梗係即核去試下，餐廳位於糖街Sugar+ 26樓，環境開揚，職員耐心介紹唔同套餐既分別，建議我地第一次食就試下Lunch Special Menu，有刺身又有鐵板燒，而家仲做緊Promotion，只係398一位。季節前菜先嚟既喺茄子，清新開胃，打開味蕾迎接之後既菜式。季節刺身(2款)深海池魚王、金目鯛池魚王厚切鮮味，肉質爽彈，金目鯛非常新鮮，味道清甜。精選壽司(2款)赤鯥、鮫鰈赤鯥配上蘿蔔蓉，令口感更豐富，配上醬油味道剛好，鮫鰈魚油較豐富，一入口滿口魚油，非常鮮味。香煎鵝肝伴自家製醬汁第一味鐵板燒菜式，非常期待，鵝肝厚切，燒得剛熟，肉質粉嫩，配上多士一脆一淋，先聲奪人。野生大虎蝦烹煮後蝦肉依然爽彈，蝦頭亦有處理好，蝦身啖啖肉，調味足夠，加上少少檸檬汁已經好突出個鮮味。香草牛油帆立貝帆立貝煎至半生，加上三文魚籽令口感唔會太單調，牛油汁香濃，非常好食。米國頂級牛肉可以選擇厚切或薄切，師傅建議我哋可以兩款都試下，試碟時仲好細心幫我地分開每樣一半，薄切就包住香蔥一齊燒，厚切就肉汁較豐富，食嗰時黑少少黑椒鹽已經好惹味，兩個都唔錯。鐵板炒飯、麵豉湯及炒什菜食鐵板
銅鑼灣新開主打鐵板燒既日本料理餐廳，梗係即核去試下，餐廳位於糖街Sugar+ 26樓，環境開揚，職員耐心介紹唔同套餐既分別，建議我地第一次食就試下Lunch Special Menu，有刺身又有鐵板燒，而家仲做緊Promotion，只係398一位。季節前菜
先嚟既喺茄子，清新開胃，打開味蕾迎接之後既菜式。
季節刺身(2款)
深海池魚王、金目鯛
池魚王厚切鮮味，肉質爽彈，金目鯛非常新鮮，味道清甜。
精選壽司(2款)
赤鯥、鮫鰈
赤鯥配上蘿蔔蓉，令口感更豐富，配上醬油味道剛好，鮫鰈魚油較豐富，一入口滿口魚油，非常鮮味。
香煎鵝肝伴自家製醬汁
第一味鐵板燒菜式，非常期待，鵝肝厚切，燒得剛熟，肉質粉嫩，配上多士一脆一淋，先聲奪人。
野生大虎蝦
烹煮後蝦肉依然爽彈，蝦頭亦有處理好，蝦身啖啖肉，調味足夠，加上少少檸檬汁已經好突出個鮮味。
香草牛油帆立貝
帆立貝煎至半生，加上三文魚籽令口感唔會太單調，牛油汁香濃，非常好食。
米國頂級牛肉
可以選擇厚切或薄切，師傅建議我哋可以兩款都試下，試碟時仲好細心幫我地分開每樣一半，薄切就包住香蔥一齊燒，厚切就肉汁較豐富，食嗰時黑少少黑椒鹽已經好惹味，兩個都唔錯。
鐵板炒飯、麵豉湯及炒什菜
食鐵板燒指定菜式，飯乾身足料，加上櫻花蝦口感更香脆，最後食返碟什菜口感上冇咁油膩。
服務、環境都非常一流，午餐呢個價位絕對物超所值，非常值得推薦。
張貼
