ChocoNext (已搬遷) 新店位置

就黎中秋節，又係同長輩食飯做節嘅時間啦，同佢地食飯又點能兩手空空呢？ 月餅佢地又唔多啱，所以就周圍物色一啲禮盒俾佢地。網上見到ChocoNext 呢個香港手工朱古力品牌，100%香港製造，除左有朱古力系列之外，仲有其他小食，好似曲奇，蝴蝶酥等等，全部都係手工製作，精選歐洲原材料，無添加防腐劑，非常吸引。曲奇禮盒每塊都係獨立包裝，方便又衛生之餘仲唔怕潮濕，禮盒入面有三款味道，每款有五塊，味道包括：黑白焙芝麻曲奇濃沃朱古力曲奇香濃咖啡曲奇黑白焙芝麻曲奇採用優質黑白芝麻，芝麻味香濃，帶有獨特的堅果風味。濃沃朱古力曲奇採用優質可可粉同朱古力粒，朱古力味濃郁。香濃咖啡曲奇就由研磨咖啡豆製成，非常提神。整體黎講曲奇入口即化，味道唔會過甜，配埋杯咖啡奶茶，簡直係完美嘅下午茶呀。