影片
更多
2015-05-30
631 瀏覽
日期：2015-05-10一場入到元朗，試完成記，接住就係見識樂團園特大生炸雞脾嘅時間。上次到訪，揾佢揾咗好耐，兜圈又兜圈，綿羊仔又帶錯路，4:30pm左右，以為好好彩只等位等咗10分鐘，點知坐低老板話：無xx，無沙律。我聽唔清楚問老板娘，佢話：有呀，有沙律啦。我問：有無炸脾？老板娘笑笑口：雞脾賣哂啦，3點鐘就無啦。我好失望，亦無謂浪費quota，講句“唔好意思“，起身走人。今次3點到達，再碰碰運氣。。。正！有位有脾！樂團園喺小巷內，舖仔細細，但乾淨企理。只得一張8人長枱同後面一張二人枱。因在堀頭巷內，有時會開兩張摺枱幫補吓或供客人等外賣坐。今次遲來的鳥更碰著下午茶時間，應該慳到幾蚊。雞脾明顯即叫即炸，等待需時約10-15分鐘。但真值得㗎！雞脾上枱熱辣辣，曲曲薯條脆卜卜。期待已久嘅雞脾絕對無令人失望，外皮鬆脆香口，肉質結實新鮮，非常juicy，絕對係少有嘅生炸出品！而且真係非常大隻，令人飽足！巨形雞脾。內裏肉汁豐富，炸得恰到好處，一丁點乾硬感都無。小插曲：我坐8人長枱最出面，另一邊係一家4口（一爸2女1子，小朋友），我哋中哂仲有兩個位，佢哋4人只叫2餐share，嚟咗一個雞脾餐，老細話
一場入到元朗，試完成記，接住就係見識樂團園特大生炸雞脾嘅時間。
上次到訪，揾佢揾咗好耐，兜圈又兜圈，綿羊仔又帶錯路，4:30pm左右，以為好好彩只等位等咗10分鐘，點知坐低老板話：無xx，無沙律。我聽唔清楚問老板娘，佢話：有呀，有沙律啦。我問：有無炸脾？老板娘笑笑口：雞脾賣哂啦，3點鐘就無啦。
我好失望，亦無謂浪費quota，講句“唔好意思“，起身走人。
今次3點到達，再碰碰運氣。。。正！有位有脾！
樂團園喺小巷內，舖仔細細，但乾淨企理。只得一張8人長枱同後面一張二人枱。因在堀頭巷內，有時會開兩張摺枱幫補吓或供客人等外賣坐。
今次遲來的鳥更碰著下午茶時間，應該慳到幾蚊。
雞脾明顯即叫即炸，等待需時約10-15分鐘。但真值得㗎！雞脾上枱熱辣辣，曲曲薯條脆卜卜。期待已久嘅雞脾絕對無令人失望，外皮鬆脆香口，肉質結實新鮮，非常juicy，絕對係少有嘅生炸出品！而且真係非常大隻，令人飽足！
巨形雞脾。
內裏肉汁豐富，炸得恰到好處，一丁點乾硬感都無。
小插曲：我坐8人長枱最出面，另一邊係一家4口（一爸2女1子，小朋友），我哋中哂仲有兩個位，佢哋4人只叫2餐share，嚟咗一個雞脾餐，老細話：唔好意思，另一隻要再等等，因炸起好細隻，唔好睇，我炸過隻大嘅先俾你。到我哋差唔多食完，有5人出面等位，那爸爸同老細講，我哋仲有兩個人未到㗎。老細話：ok無問題。那爸話：我怕你俾5位坐（因我哋走），老細絕無黑面且笑住：無問題，慢慢坐。之後仲送咗隻雞脾俾個小朋友，話：呢隻細嘅唔好睇，反正炸咗，送俾你食。
（我感覺嗰家人似街坊，但並唔係熟客。而且佢所謂“細“，其實係外面餐廳嘅正常size）
最怕小店食物受歡迎後變臉，變得食物質素差，更易變質嘅係服務態度。但樂團園老板值得一讚係服務態度一流且堅持食物水準。
張貼
