SuperNormal (淘大商場2期)

營業中

休息中

呢度最出名就係脆皮炸豬手，用麥啤慢煮24小時，之後再炸到脆一脆。但今日除咗豬手，原來Burger都唔錯。午餐有意粉、扒、仲有burger揀，叫咗大啡菇芝士安格斯牛肉漢堡，已經有餐湯或沙律同埋飲品。個漢堡包大到呢，擘大口都咬唔晒，邊有大啡菇、牛肉漢堡、芝士、生菜等，仲配埋熱辣辣炸薯條，真係無得輸。炸豬手做緊$178 一隻。仲有泰式同埋柚子味揀。今次就試咗泰式脆皮豬手。豬手用柚子麥啤浸超過8個小時，再立即炸到卜卜脆，所以起菜時間都會較長。豬手皮脆卜卜之餘，豬手肉都好淋，而且佢哋已經幫手切開一片片，容易食。豬手淋咗泰式辣汁，酸酸辣辣，非常開胃。太油膩就可以食少少側邊嗰啲酸椰菜同沙律。