影片
更多
2019-03-25
74 瀏覽
住附近，曾經食過嘅呢間嘅下午茶，記得公司三文治同炸雞脾味道唔錯，今日晚飯唔知食乜嘢好就同女朋友去返呢間冰室食。其實呢間冰室環境幾有特色，懷舊裝修，坐得舒服。今晚簡簡單單自己要個鹹魚雞粒炒飯，女朋友就要左椒鹽豬扒飯。鹹魚雞粒炒飯有驚喜，越簡單嘅嘢食火候要求越高。飯炒得粒粒分明，絕對有金鑲銀嘅感覺！生菜爽口，雞肉嫩滑冇雪味，鹹魚有咬口，鹹香，絕對唔係又梅又淋個一種。呢個炒飯茶記來講真係一百分。女朋友嘅椒鹽豬扒飯，雖然同平時嘅椒鹽豬扒有啲分別，豉油汁比較多，但個汁又確係出色！估計係自家製甜豉油，送飯一流。豬扒唔係鬆肉粉貨色，有咬口，而且夠大件，味道都唔錯。其實佢仲有好多特色飲品，好似支裝菊花茶等，不過我哋就叫返正正常常嘅。總括嚟講呢間冰室食物質素相當唔錯，下次去試埋個早餐先！
其實呢間冰室環境幾有特色，懷舊裝修，坐得舒服。
今晚簡簡單單自己要個鹹魚雞粒炒飯，女朋友就要左椒鹽豬扒飯。
14 瀏覽
0 讚好
0 留言
鹹魚雞粒炒飯有驚喜，越簡單嘅嘢食火候要求越高。飯炒得粒粒分明，絕對有金鑲銀嘅感覺！生菜爽口，雞肉嫩滑冇雪味，鹹魚有咬口，鹹香，絕對唔係又梅又淋個一種。呢個炒飯茶記來講真係一百分。
8 瀏覽
0 讚好
0 留言
女朋友嘅椒鹽豬扒飯，雖然同平時嘅椒鹽豬扒有啲分別，豉油汁比較多，但個汁又確係出色！估計係自家製甜豉油，送飯一流。豬扒唔係鬆肉粉貨色，有咬口，而且夠大件，味道都唔錯。
5 瀏覽
0 讚好
0 留言
其實佢仲有好多特色飲品，好似支裝菊花茶等，不過我哋就叫返正正常常嘅。
總括嚟講呢間冰室食物質素相當唔錯，下次去試埋個早餐先！
張貼
