Igatti (已結業)

我返工同事介紹咗呢一間喺屯門市中心嘅IGATTI，聽講係專食拿破崙蛋糕嘅地方，一聽到就已經心心眼😍😍本身我係咁多款蛋糕裏面，就係最鍾意食拿破崙蛋糕！估唔到有拿破崙蛋糕嘅專門店，真係梗係要試吓啦！餐廳嘅裝修好簡單，而且以外賣店來講，呢個小店嘅佈置都好有特色！個人來講都幾鍾意😍今次就叫咗一個朱古力拿破崙蛋糕試吓，呢個朱古力拿破崙蛋糕好吸引！每一層都有唔同嘅口感同埋味道！餅底夠晒脆！同埋牛油味好濃郁！重點嘅係呢個朱古力味嘅吉士！超級好食，好creamy同埋唔會太甜！重點係依然保持到好香濃嘅朱古力味道！真心推介😍😍😍