梅吉涮涮鍋 (已結業)

西灣河近海滂一帶全部都係特色餐廳，通常都係酒吧居多，今次意外地發現左一間新開食日本和牛放題既餐廳，即刻去試試。放題火鍋120分鐘自由任食，一人一鍋，衛生乾淨唔洗同人爭，有5個湯底選擇：梅吉鍋、日式海草美顏鍋、芝士湯鮮茄鍋、酸辣鍋、麻辣仙鍋。個人推薦餐廳招牌梅吉鍋，有種淡淡既冬陰功湯底，都非常特別！和牛質素都幾出色，油脂分佈平均細緻，於鍋內輕輕一涮幾秒已經粉嫩，入口都算嫩口！另外自助吧都提供大量食材選擇，海鮮有帆立貝、蝦、蜆等，各式各樣丸腸類提供！其中我認為餐廳最大賣點就係自家製飲品，以及冰機甜品提供。自家製飲品都偏向健康同特色，例如竹蔗茅根馬蹄爆珠、哈密瓜百香果爆珠冰茶、洛神花芒果爆珠等；甜品製冰機會出一絲絲幼細冰粉，再配合爆珠、龍眼等甜甜配料解暑一流。