閨•家 (西九龍中心) (已結業)

平時好少煮又好想食家常便飯，就要來閨家試下。之前都有聽朋友講閨家食物唔錯，來到西九龍行街，咁啱有一間係度，就算排隊都要試下啊。排左20分鐘到終於到我們，想食好西就要付出，我們坐低睇下餐牌，真好呢度有老火靚湯，更好既係叫餐都有湯送，正呀。我們一家三口，點了個梅子金沙骨飯，香煎蓮藕餅豬排飯，咖喱雞飯，再來些小吃麻辣雞腎同埋➕$12 有油菜。餐廳侍應做到超級忙碌，亦都非常快手，好快我們就有晚餐食，老火湯上先，味道頂呱呱，夠料又好喝。食正餐啦，梅子金沙骨酸酸甜甜好開胃，多汁撈飯正。咖喱雞飯咖喱味香濃，撈飯亦正。特別講下這個蓮藕餅豬扒飯，蓮藕餅是手剁的，煎得非常香脆，新鮮製造。油菜綠油油，除左形容新鮮，都係新鮮。見好多人都有order 呢個菜式，仲要好快就賣晒，真係手快有手慢無。我地食食下，中途聽到連金沙骨都賣晒，果下真係覺得，好采來得早，哈哈。最後就當然食飽飽，開開心心番屋企啦。