霸王山莊

平時係尖沙咀行街經過，一直都未有機會試，今次終於食到～

一入黎已經好好招呼，個位又坐得好闊落！

黎到呢到，點可以唔食小籠包。佢粒粒都好飽滿，皮又薄，仲有好清好鮮味既湯汁！

1

之黎食左菜肉雲吞，皮都係好薄，不過雲竹吞就爽口好多， 但都一樣好好食！

之後食既係金沙蝦球。一定要讚下啲蝦好大隻好爽口。鹹蛋黃醬就又多又香，包滿每隻蝦，好惹味！不過呢個就多啲人share會好啲！

1

最後就一定係片皮鴨。呢到既片皮鴨都係即燒，所以都要等得一陣，但黎到真係皮脆肉滑，又熱辣辣，絕對值得等多一陣！

最後食埋高力豆沙做甜品， 真係好滿足！