韓膳宮 (已結業)

近來旺角通菜街呢間新開嘅韓膳宮都深受歡迎，佢呢度除咗有韓式料理仲有韓燒添！今日就嚟到呢度食韓燒！呢度嘅價錢係$218 一位，90分鐘任食任飲。見到任食嘅餐牌，有幾項都係頂級嘅牛，望到都好吸引！既然係頂級就叫咗個頂級牛板腱肉，果然脂肪少，肉質完全鎖住喺肉裏面，柔嫩多汁，口感醇香！牛脷都好唔錯，係厚切嘅同埋好軟嫩，口感爽滑，油香味濃！😆豬大腸超爽口，完全咀嚼出濃厚嘅大腸香氣！🐽🐽仲有呢度嘅海鮮，相當新鮮，海蝦肉夠鮮甜又大隻！🦐🦐呢間真係又抵食，食材又好新鮮，牛肉超抵讚！👍🏻