影片
更多
2017-12-18
4074 瀏覽
媽媽生日，咁大日子我一早就諗定食咩，之前黎過呢度中午飲茶，覺得無論價錢、環境、食物都好滿意，所以好快就決定訂呢度做媽媽的生日飯，話晒係酒店餐廳，點都唔失禮踏入12月，酒店LOBBY已經急不及待放棵大大聖誕樹，大家記得餐廳雖然係1樓，但都要搭LIFT先可以去到的喔呢張相係晚上10點影的，所以食客好多都走晒，其實我地7點半黎到的時候，整間餐廳都差不多FULL晒，餐廳唔算好大間，所以記得想食就BOOK位餐牌有好多菜色，不能盡錄，就放兩張特別菜色比大家參考一下，叫化雞同八寶鴨如果想食，記得BOOK檯時要留定八寶鴨 - 半隻 ($268)由於製作繁複，八寶鴨好少餐廳有得食，大約知道呢道菜的整法，$268半隻其實好抵食，要將全鴨去骨，再釀入八種材料，包括蓮子、冬菇、冬筍、火腿粒、肉粒、栗子、蝦仁同糯米，淨係要將全鴨去骨呢一項都已經夠考功夫，仲要釀得好預防材料漏出，上檯後店員會幫客人將鴨切開方便食用，整道菜經過長時間烹煮後非常入味，我地全部都食得津津有味雞蛋焗魚腸 ($128)雞蛋焗魚腸呢道經典菜色又係買少見少，用砵仔焗就更顯風味，記得要熱辣辣食同埋落胡椒粉，咁就保證唔會有鯹味啦蟹肉蛋白炒魚肚 ($
踏入12月，酒店LOBBY已經急不及待放棵大大聖誕樹，大家記得餐廳雖然係1樓，但都要搭LIFT先可以去到的喔
呢張相係晚上10點影的，所以食客好多都走晒，其實我地7點半黎到的時候，整間餐廳都差不多FULL晒，餐廳唔算好大間，所以記得想食就BOOK位
餐牌有好多菜色，不能盡錄，就放兩張特別菜色比大家參考一下，叫化雞同八寶鴨如果想食，記得BOOK檯時要留定
八寶鴨 - 半隻 ($268)由於製作繁複，八寶鴨好少餐廳有得食，大約知道呢道菜的整法，$268半隻其實好抵食，要將全鴨去骨，再釀入八種材料，包括蓮子、冬菇、冬筍、火腿粒、肉粒、栗子、蝦仁同糯米，淨係要將全鴨去骨呢一項都已經夠考功夫，仲要釀得好預防材料漏出，上檯後店員會幫客人將鴨切開方便食用，整道菜經過長時間烹煮後非常入味，我地全部都食得津津有味
雞蛋焗魚腸 ($128)雞蛋焗魚腸呢道經典菜色又係買少見少，用砵仔焗就更顯風味，記得要熱辣辣食同埋落胡椒粉，咁就保證唔會有鯹味啦
蟹肉蛋白炒魚肚 ($138)叫左幾道比較濃味的食物，呢道菜清清地就最岩，魚肚、蟹肉同蛋白的份量幾乎係1:1
生炒糯米飯 ($138)今晚所點的幾乎都係好經典的菜色，生炒糯米飯要由生米煮成熟飯需要一定的時間同臂力，店員實在十分細心，我地掛住食其他餸菜，一直都未食呢碟糯米飯，都已經放到凍晒，店員見我地開始想食呢碟飯，就主動問我地洗唔洗蒸番熱先食，呢個舉動實在係太窩心了，糯米飯即時變回軟軟的
最後每人會奉送一碗湯水，係一碗麥米粥，雖然係免費的，但都非常足料喔
張貼
