Drool Froyo

營業中

休息中

咁啱係大館附近，天氣咁熱咪行過去試吓呢間新野呢度主打自家製優質乳酪雪糕，用低脂希臘乳酪製成，少甜比出面健康。有多款唔同口味，有抹茶、咖啡、冧酒都有。仲可以自己D．l．Y．落自己鍾意嘅配料。今次我就揀咗抹茶園同埋咖啡控。抹茶園入面有大大粒藍莓 、抹茶麻糬、抹茶醬，上面仲有個蝴蝶酥添。而咖啡控入面就有咖啡蛋白霜糖、咖啡奶凍、咖啡醬上面仲有塊蓮花餅添。原來佢哋仲有Croffle ，上面有乳酪雪糕同埋生果。我想呢個香蕉味就加入咗蜜糖，一齊食味道比較清新。如果有帶寵物嚟嘅話佢哋仲會有免費嘅乳酪可以俾寵物食添。