鶴亀 (已結業)

香港要搵好味既沾麵越來越難，每次試新店其實都戰戰兢兢咁。估唔到今次尖沙嘴呢間真係喜出望外～我就叫左特濃豚骨沾麵（$100），湯底超級濃郁，我仲特意加配左芽菜，芽菜同麵一齊沾落個豚骨湯底真係不得了，吸晒d精華！！而豚肉有微微燒過，不過略嫌薄左少少。面硬度我就揀左較硬，面掛湯能力都不錯。媽媽就揀左櫻花蝦拉麵（$103），櫻花蝦勁慷慨咁俾勁多，所以成碗都好香鮮味。不過拉麵比起沾麵，始終個人比較偏愛沾麵既麵質，更有咬口。其實選擇都算多，比較好就係除左沾麵都有拉麵，始終同行既朋友仔未必個個都咁喜歡食沾麵㗎嘛。