花花宮煮 (已結業)

餐廳開咗數月，因為住餐廳樓上，所以與家人差不多每星期都幫襯2-3次，有時堂食有時就打電話到餐廳由姨姨送到屋企；堂食時最鍾意餐廳乾淨企理，職員都好有禮貌，唔會食食下突然有粗口送飯；食物就最鍾意食餐廳招牌「開心樂園餐」，即係叉燒配三隻蛋，叉燒好好味，問咗原來係廚師哥哥自己燒嘅，三隻蛋仲要係太陽蛋，流黃㗎，再配埋好好味嘅豉油汁，每次連最後一粒飯都食晒！仲有系廚師哥哥好有心機，全部食物擺盤都好靚，啲碗碟都好精美，食得特別開心；外賣送上門就最滿意係食物仲熱辣辣，不過有時就要等耐啲先送到囉！