L'AMOUR

營業中

休息中

上星期係我哋嘅紀念日，見到上網好多人討論呢間法式餐廳，法國餐廳一向都係浪漫嘅象徵，所以我就偷偷地俾咗驚喜女朋友帶佢嚟呢度食😼 一開始先飲咗兩個西餐湯先！法式龍蝦湯好香龍蝦味！同之前去文華東方食既差唔多味，雖然唔係五星級酒店 但係都有咁上下水準👍🏻牛肝菌忌廉湯擺設非常精美，令人食慾大增！菌湯一定係我最愛！巴馬臣芝士黑松露薯條厚切薯條一直冇令我哋失望！配上黑松露做烹調，永遠都係最match嘅組合！廚師特登將巴馬臣芝士磨成碎，放喺碟嘅上面，我哋食薯條嘅時候就可以根據自己嘅喜好沾嚟食！法式西鰽鱸·椰菜花蓉·紅腰豆上菜嘅時候條魚仲熱辣辣，魚皮脆卜卜！椰菜花蓉都好有驚喜，食落去甜甜地，唔會好重牛油味，食完又唔會好滯喎，果然連細節都好重視👍🏻蒜片辣椒蟹肉扁意粉蟹肉份量適中，唔會過少，值得一讚係意粉調製時間剛剛好，容易咀嚼，唔會太硬，女朋友好喜歡！法式鵝肝忌廉扁意粉我哋兩個都係鵝肝控🤭令我最深刻嘅係，呢道菜鵝肝滿滿的，食完最上面最大舊嘅鵝肝之後，原來仲有好多我講係意粉入面，超滿足！甜品：自家製芝士蛋糕都幾好味，唔會好重忌廉味，所以食落去冇乜負擔👍🏻總括嚟講，呢間餐廳嘅價錢合理，對比起出面嘅，一定係紀念