閨•家 (西九龍中心) (已結業)

我哋叫咗一碗老火湯、涼拌海蜇手撕雞、招牌豬扒、手剁香煎蓮藕餅手工麵甘筍麵及招牌流心豬扒包。果然佢哋啲食物真係名不虛傳，佢出名係冇味精。食落去果下真係覺得好有住家菜嘅感覺，好新鮮，亦好好食 。老火湯，真係飲得出係用真材實料去煲。涼拌海蜇手撕雞味道唔錯，但未至於好突出。招牌豬扒真係整得好好食，食落又唔覺得好熱氣😅。我確實有啲期待佢嘅甘筍麵，果然冇失望。食落去，真係食到有甘筍嘅味道，有少少甜甜地嘅感覺。招牌流心豬扒包其實味道都真係好得，但可惜我哋實在太飽了。如果我哋個肚仲有多啲空間，應該會覺得佢更好味。餐廳雖然地方唔大，但感覺有一種家嘅感覺。真的不錯！