CHIMAC (QRE Plaza) (已結業)

韓國炸雞不嬲都係我至愛❤️Chimac分店又開一間係灣仔，方便我呢個炸雞控🍗Chimac呢一間雖然都係主力做外賣，但係都有少量座位可以即刻食㗎我就梗係拎走慢慢嘆，有個外賣盒超方便。佢哋可以揀有骨定冇骨，我今次就揀咗三款口味：芝士初雪、經典甜辣、韓式黑炸醬芝士初雪❄️開盒已經好香，芝士味非常重。經典甜辣 🌶️ 食炸雞必食嘅味道，冇理由唔叫。韓式黑炸醬 🖤炸醬麵嘅黑炸醬，呢個配搭都幾新穎，居然又夾到喎。啲炸雞最大嘅優點就係又香又脆，新鮮炸起熱辣辣，而且開咗咁多分店。以後諗起食韓式炸雞，就可以隨時隨地食到😋