鮨豊 (已結業)

渣車人士特別鐘意去天后搵食，貪佢泊車比銅鑼灣容易得多，朋友介紹天后呢間日本餐廳超高質素，地點好易搵仲好好彩可以泊到架車係餐廳附近。Dinner有2款選擇，價錢唔差太遠，所以我地2個人一於試曬2款。呢個$800 set賣相已經贏曬，3隻高身杯做成3款魚生飯，吞拿魚蓉腩加䓤後一齊食特別香、三文魚子超大粒，亦好多，入口爆開的感覺非常過隱，最正海膽完全無腥味，好鮮甜入口好滑好香，超正。仲有魚生同炸蝦丸，生同熟的食法，都食得出蝦好新鮮好彈牙，2個做法同樣出色。3款不同位置的吞拿魚壽司，超新鮮，好好好肥美啊，忽然覺得自己好似身在日本築地一樣。另一款$880 dinner set 由廚師發板，除左主菜，最主要有十款不同壽司，包括天然立魚，青海老，池魚，秋刀魚，鰤魚，吞拿魚，金木鯛同埋海膽等，真係全部都好新鮮，廚師提醒我們唔需要點鼓油，果然新鮮魚生真係唔需要鼓油，先食到真正魚的鮮味。其實食完十件壽司都飽，但仲有多條手卷，吞拿魚蓉再max埋黃瓜，原來好夾，咬落口仲有多重口感，好好味。最後食埋舊肉子燒，甜甜地好似食緊海棉蛋糕咁。再以一碗白子𩶘魚湯清清口腔，個湯好清甜，聽廚師講11月白子當做，營養非常豐富。