板上 (已結業)

一行四人來到九展睇演唱會，入場前要醫包個肚先！由於有外籍朋友一齊，要飲下啤酒食下西式野 ，就只有呢度最啱。 怕麻煩嘅我地，一泥度就點個4人set。包括四杯細（330ml) 啤酒，8隻炸雞翼，一杯炸薯角同兩款pizza ,有一位朋友唔飲酒另外叫可樂，埋單$266...嘩 😱好平呀！ 平時去睇concert ,買4杯啤酒都要200 幾蚊啦！ 先出嘅係薯角同雞翼，新鮮做嘅，好夠熱，雞翼好大隻，一邊食啲内汁一邊漏出來，味道剛好唔太咸，唔油膩仲唔似係翻炸過，加分！😍跟住就分別出兩個pizza ,pepperoni 同supreme 總括兩款pizza 都算合格，餅底係厚啲嗰種，超多士芝同超熱，比較咸。我未泥得切影相已被清碟*唯一有少少唔滿意係我地叫一個餐，所有野都分開叫號 ，由於係自助取餐，食一餐飯要出出入入4-5次，好唔方便。不過想食新鮮整嘅野都冇辦法啦。