鮮芋仙 (創紀之城五期(apm))

營業中

休息中

🐒招牌仙草冰沙$45👉🏻加配芋頭$8👉🏻加配杏仁布丁$3鮮芋仙既甜品相信大家都耳熟能詳，近期係官塘apm開左間分店，咁方面咁就腳就決定買碗外賣回家吃。天氣開始熱，黎到鮮芋仙當然要食佢個招牌仙草冰沙，分別有芋圓、仙草凍同仙草冰沙，再次食佢既芋圓都係冇令我失望，夠煙靭得黎又夠味道，唔會似出面既芋圓淡茂茂無味。仙草凍同仙草冰沙唔會太甜，味道正常，食落去好涼快，夾埋黎食先係正宗食法。而佢有配杯奶油，係必定要落埋去撈勻黎食，成件事會去提升去到第二個level，唔記得比記得問佢拎番。另外加左$8加配芋頭，芋頭好林好綿，就咁食較為甜左小小，但加埋落去冰沙度就岩岩好，同仙草凍勁夾。而定做緊3周年慶優惠，加$3可以加購第三份配料，咁抵就叫左個杏仁布丁試下，杏仁布丁好重杏仁味，布丁方面就正正常常，下次可以試埋佢個布丁圓類拼盤。