韓舍 (已結業)

出黎食個放題輕鬆下，同媽媽黎左公園南的韓舍，星期一至四晚$178一位，勁多野食真係好抵㗎。用的是方形烤爐，抽風幾好唔太大陣味，燒烤紙免費換，示意店員就可。蔬菜區，梗係要燒菠蘿啦。肉類區，豬牛羊海鮮都有，幾多野揀。熟食區，燒肉未熟可以揀黎過下口引，個人覺得個水煮魚幾正，夠麻辣。壽司刺身點少得，唔係太高質，但呢個價錢接受有餘。甜品超多，泡芙，葡撻，燉蛋等都好食。蛋糕仔都勁多，全部都唔差，士多啤梨慕絲，提拉米蘇，特濃朱古力都好正。燒肉勁推介牛仔骨，無渣厚切，有牛味加上牛脂甘香，無得頂。燒蠔又係勁正，肥美鮮甜。多春魚同三文魚鮫都好好味，要啲耐性慢慢燒，同埋個盤要夠油先得，多春魚好易痴實。食得肉多可以去食下沙律，有麻醬，黑醋汁，同凱撒沙律汁，幾種醬汁都好味。甜品除左雪櫃外，仲有雪糕櫃，窩夫機，綿花糖機同爆谷機，小朋友玩得好開心。一個價錢除加一外全包，任飲任食，有得食有得玩，一家大細黎食都好適合，建議先book枱，walkin有機會無位啊。