樂天皇朝 (將軍澳中心)

營業中

休息中

午市套餐好抵食，有二人餐、四人餐及六人餐，我哋揀咗二人餐$198 。二人餐有涼菜、小炒、蔬菜、飯麵類各一。兩個人食相當豐富。坐低揀咗熱茶，另外仲有前菜係花生栗子。涼菜揀咗李白醉雞。醉雞份量夠多，賣相夠靚，而且雞非常嫩滑、有酒香。小炒揀咗京醬肉絲配薄餅。京醬肉絲夠晒惹味，肉絲仲有蔥香。用薄餅皮包住食，食法好似食片皮鴨咁。蔬菜揀咗清炒白菜苗，蒜蓉味好香。主食揀咗菜肉雲吞豬骨湯拉麵，雲吞大大粒，入邊充滿菜肉，有五隻。拉麵豬骨湯清清地，加啲辣椒醬好味啲。另外散叫咗小籠包，小籠包皮薄餡有肉汁。