Greyhound Café (又一城)

營業中

休息中

星期2晚餐8點要等10分鐘。一坐低就嗌左招牌雞翼，好香口，而且單骨食落好方便！跟住就食蝦抄金邊粉。夠哂鑊氣，好好味，佢碟邊跟埋抄蒜同辣椒粒，加埋真係好惹味。食唔食辣既朋友都有得自己選擇，真係好細心。跟住就到生菜粉皮肉醬包，唔同一般生菜包，佢既肉醬非常juicy，又夠味，加埋佢配既汁（好似平時點生蝦個汁），一流配搭！佢配既粉皮又可以包住哂配料既汁，唔會好似平時一般生菜包食到成手都係，又係另一個細心之選。最後個椰子千層蛋糕啖啖都係椰子肉，食落一啲都唔漏，唔太甜，味道岩岩好，為晚餐畫上完美既句號。