小肥羊 (已搬遷) 新店位置

今日冬至，之前已經諗緊食d咩好，又唔想破費又想食熱辣辣嘅嘢，打邊爐一定係不二選擇！比較左幾間任食火鍋，見到小肥羊有餐飲券優惠便買左試吓，咁平本身冇抱太大希望，點知有驚喜我係第一次食小肥羊，之前食過小肥牛印象麻麻，再加上事先睇左評論寫話呢間一夠鐘就會趕人，但事實又唔係喎（起碼我冇遇到啦）不過午市冇乜人係真既，可能因為咁人手都唔多，經常搵唔到人落order，加湯呢d都係我自己來講返嘢食，我買個餐飲券係最平果隻，有基本豬、雞、牛、羊任食，飲品同其他火鍋配料都係出邊自助取，如果想食d高級嘢例如羊架就要揀貴價果隻啦。因為媽子鐘意食雞，就揀左雞煲鴛鴦鍋。雞煲果邊感覺一般，反而清湯果邊幾好喎，見得到落足料：當歸、紅棗、人參等等，湯底都好鮮。下次一於全部要清湯算第一轉固定左會上相中呢幾碟。個人認為豬、雞、牛都係一般貨色，牛仲幾鞋添，如果係牛魔王恐怕就要失望了。但值得一提：羊肉真係超級正！佢地標榜用六個月羊仔肉，食得出肉好新鮮，肉質嫩滑冇雪味，鮮甜到極，少許騷得黎一d都唔會腥，唔需要點醬就好好味（我覺得唔點仲好添）我同媽子由第二轉開始就只叫羊，食左起碼有10碟，好滿足啊再食埋甜品就完美，雖然選擇少只得兩