六丸(居食屋)日本料理 (已結業)

約咗大學同學喺旺角聚餐😊無啦啦落大雨隨便入咗間居酒屋小店，門口睇以為好少座位，入到去原來都唔細，客坐滿左大半間餐廳，都幾熱鬧😳我諗主要係因為佢真係好抵食！香芒乳酪松葉蟹卷 $55松葉蟹食得出係一絲絲蟹肉，唔係用麵粉，芒果配松葉蟹味道一絕，而且份量好多，先係50幾蚊🤣平過超級市場！三文魚 $120十切三文魚價錢都係好優惠，賣相好靚係玫瑰花咁，下面有好多冰保持新鮮，食落去三文魚味香濃，感覺好健康。牛舌 $78大大碟牛舌，有個鐵板碟送上嚟，熱辣辣🤓好吸引，牛舌咬落去鬆軟，有口感。香草燒雞翼$30/3件諗唔到呢間小店燒物做得非常唔錯，雞翼脆口，醬汁味道剛好，唔會太鹹。雞翼開邊開得好好方便大家食用 燒雞軟骨食落去有少許焦脆，香口好食😋泡菜餃子鍋 $55呢個餃子鍋非常欣賞✨✨✨食嘅時候皮仲係脆卜卜，餡料量多。泡菜湯非常之好飲，入面除咗有菜，仲有粉絲豆腐等等配料，而且好抵食。三文魚炒飯$65份量都係超多，粒粒三文魚肉😝兩個人都食唔晒，但係味道比較淡可能要落少少七味粉。