影片
更多
2020-11-07
772 瀏覽
同事剛剛試完呢間放題話性價比極高，我當然又要試試佢啦。星期六中午12:00到，餐廳先剛開門所以冇咩人，但15分鐘後已經坐滿一半，証明我冇嚟錯😆一坐低老細已經遞餐牌同介紹套餐，我同老公揀咗$418+10%，火鍋放題，加一大盤海鮮再加大閘蟹任食！任食！任食！（重要的事情講三次），出面食2-3 隻都唔止呢個價啦。除咗火鍋當然少得炸物，為咗留肚食大閘蟹，我只點咗蝦多士/蔗蝦/水牛城雞翼/土匪雞翼。***水牛城雞翼十分出色，食完條脷起碼辣咗15分鐘😂登登登登！主角出場。🦀size 都有手掌咁大隻，好香同多膏😍😍（下圖為我已食哂啲膏先記得影相）。任食有呢個質素，超出期望。食完大閘蟹，到另一主角打邊爐啦😆一開始就有一大盤海鮮（唔記得影相）+兩盤牛+一盤豬+一盤雞+一盤牛舌，超級豐富🤤牛肩胛超正，帶少少筋，肉質較堅實但一啲都唔韌，建議唔點醬汁，先食到原有牛味。牛舌有八塊咁多，每塊都有一定厚度，爽口彈牙。豚肉同雞肉都好新鮮。出面火鍋啲雞肉多數好梅，呢盤就好juicy。豚肉厚度剛好，大大塊好嚼頭🤤另外出面有起碼廿種配料，烏冬/麵/丸類/菇類/豆腐豆卜/蔬菜，任食唔嬲😆除咗飲品任君選擇，最驚喜係有Milkt
一坐低老細已經遞餐牌同介紹套餐，我同老公揀咗$418+10%，火鍋放題，加一大盤海鮮再加大閘蟹任食！任食！任食！（重要的事情講三次），出面食2-3 隻都唔止呢個價啦。
除咗火鍋當然少得炸物，為咗留肚食大閘蟹，我只點咗蝦多士/蔗蝦/水牛城雞翼/土匪雞翼。***水牛城雞翼十分出色，食完條脷起碼辣咗15分鐘😂
登登登登！主角出場。🦀size 都有手掌咁大隻，好香同多膏😍😍（下圖為我已食哂啲膏先記得影相）。任食有呢個質素，超出期望。
食完大閘蟹，到另一主角打邊爐啦😆一開始就有一大盤海鮮（唔記得影相）+兩盤牛+一盤豬+一盤雞+一盤牛舌，超級豐富🤤
牛肩胛超正，帶少少筋，肉質較堅實但一啲都唔韌，建議唔點醬汁，先食到原有牛味。
牛舌有八塊咁多，每塊都有一定厚度，爽口彈牙。
豚肉同雞肉都好新鮮。出面火鍋啲雞肉多數好梅，呢盤就好juicy。豚肉厚度剛好，大大塊好嚼頭🤤
另外出面有起碼廿種配料，烏冬/麵/丸類/菇類/豆腐豆卜/蔬菜，任食唔嬲😆
除咗飲品任君選擇，最驚喜係有Milktop 雪糕🍦 超正🤤出面買一杯都要$20，呢度可以一次過試哂芝麻味、朱古力味同雲呢拿味，抵返哂呀。
食咗1.5 小時，飽到捧住個肚走，但可以又食大閘蟹又火鍋又雪糕，真係好滿足呀😍😍
張貼
