玥屋

營業中

休息中

一直都好想試呢間大角咀人氣壽司店，但佢哋店唔大得8個位左右，我哋都訂咗差唔多一個月先食到😱 呢度有啲似平價嘅omakase，寫完紙仔點菜後，師傅會即席整刺身同壽司，擺喺你枱嘅架上，食完我哋都覺得CP值真係超級高，大件夾抵食，三文魚壽司🍣都係$6件，三文魚腩刺身都係$8件，仲要唔使加一‼️ 佢哋都有做外賣㗎，大家都可以買外賣試吓🤤🥢刺身類🥢▪️三文魚腩 $8▪️雖然唔係厚切，但腩位好肥美，食落好重油脂香味😍🤤▪️帶子 $14▪️原粒帶子好新鮮好甜‼️▪️油甘魚 $13▪️油甘魚比起三文魚大塊啲，但反而魚香味唔算太重，正正常常不過不失🤣🥢壽司類🥢▪️汁燒三文魚 $7▪️唔太食到燒過嘅香味，燒耐啲啲會好食好多🤔▪️玥屋蛋 $6▪️蛋香味唔算太重同唔太實，咬落去唔太綿密唔夠豐富🤭▪️海膽 $23▪️咁嘅價錢食到海膽壽司真係好抵😱，入口後都有鮮甜味▪️花之戀 $14▪️花之戀上面嘅蟹籽一啲都唔吝嗇，一啖都食唔晒就知佢有幾大件😳，食完又唔會覺得好膩▪️辣三文魚 $7▪️三文魚粒塞到好滿好大件，少少辣再配上沙律醬好開胃🥰▪️燒三文魚奇脆卷 $60▪️見到呢個好多人推介，緊係要試試😍 所謂嘅奇脆卷，其實入面包咗脆米，都幾得意幾夾～不過外面嗰