友得食粥麵茶餐廳 (已結業)

價錢相當合理嘅平民茶餐廳，不過入面最出色嘅係各種唔同嘅小菜，無論係一啲常見嘅肉餅、炒蛋、漁香茄子，抑或係蠔餅都有一些般酒樓嘅水準，例湯亦都唔會話淡到水咁。值得推介嘅係蠔餅、黃金骨、枝竹火腩魚腩煲，蠔餅大大塊之餘炸得非常香脆，黃金骨唔會話淨係得骨冇肉食，而且層脆漿唔會話太厚，魚腩煲就勝在勁太煲，多到你一定食得飽！另外，餐廳入面嘅職員亦非常熱情，主動推介好菜式，餐廳另一大賣點就係可以外賣小菜，佢份菜單絕對係居家必備！