影片
更多
2024-07-25
95 瀏覽
去完旅行返嚟最想就係食返啲中式菜，仲要一定係辣嘢添。聽朋友講話呢間烤魚好抵食，所以過嚟朝聖下。真係唔好講笑，呢度嘅串燒最平可以係$8一串，今時今日嘅香港地去邊度搵？燒生蠔都係$12一隻，舖頭仲要好均真，因為其中一隻比較細，所以又比多一隻我哋。最正嘅係佢啲蒜蓉加咗菜脯，多咗啲爽脆嘅口感，而生蠔都夠鮮甜，絕對新鮮。另外叫咗兩串泰式燒魷魚鬚，佢個醬汁真係完美還原，係我喜歡嘅味道。另外仲叫咗錫紙金針菇，一嚟到嘅時候好香牛油味，如果佢呢個蒜蓉都可以加埋菜脯咁就好啦。最後我仲叫咗兩串燒菠蘿做甜品，佢應該落咗唔少嘅糖漿落去燒，所以最後都幾甜。嚟到個主角烤魚，我叫咗鱸魚，揀左酸菜味，因為唔想食得咁辣嘅話就可以揀呢個。鱸魚嘅肉比較實淨啲，食落去都啖啖肉。喺烤魚上邊我仲加咗啫啫墨魚滑，初頭我唔知道原來係將個乾鍋拼埋落去，估唔到佢有勁多嘅配菜，包括薯仔，萵筍，蓮藕同埋椰菜花。佢啲配菜全部都好入味，夠晒辣，但係又保持返佢本身應有嘅爽口。如果主角墨魚滑都夠彈牙，亦都好夠辣，份量都足夠嘅。另外我想講最抵食嘅係呢個封門柳，咁嘅份量都只係$48。最鍾意嘅係呢個萵筍條，因為佢切得夠薄，好快就可以索晒啲湯汁，勁好味。另外
真係唔好講笑，呢度嘅串燒最平可以係$8一串，今時今日嘅香港地去邊度搵？
燒生蠔都係$12一隻，舖頭仲要好均真，因為其中一隻比較細，所以又比多一隻我哋。最正嘅係佢啲蒜蓉加咗菜脯，多咗啲爽脆嘅口感，而生蠔都夠鮮甜，絕對新鮮。
另外叫咗兩串泰式燒魷魚鬚，佢個醬汁真係完美還原，係我喜歡嘅味道。
另外仲叫咗錫紙金針菇，一嚟到嘅時候好香牛油味，如果佢呢個蒜蓉都可以加埋菜脯咁就好啦。
最後我仲叫咗兩串燒菠蘿做甜品，佢應該落咗唔少嘅糖漿落去燒，所以最後都幾甜。
嚟到個主角烤魚，我叫咗鱸魚，揀左酸菜味，因為唔想食得咁辣嘅話就可以揀呢個。
鱸魚嘅肉比較實淨啲，食落去都啖啖肉。
喺烤魚上邊我仲加咗啫啫墨魚滑，初頭我唔知道原來係將個乾鍋拼埋落去，估唔到佢有勁多嘅配菜，包括薯仔，萵筍，蓮藕同埋椰菜花。
佢啲配菜全部都好入味，夠晒辣，但係又保持返佢本身應有嘅爽口。
如果主角墨魚滑都夠彈牙，亦都好夠辣，份量都足夠嘅。
另外我想講最抵食嘅係呢個封門柳，咁嘅份量都只係$48。
最鍾意嘅係呢個萵筍條，因為佢切得夠薄，好快就可以索晒啲湯汁，勁好味。
另外佢依家做緊優惠，生啤買一送一，為返都只係20幾蚊一杯，真係食得開心飲得夠爽。
張貼
