日牛涮涮鍋專門店 (已結業)

中午真係好少打邊爐，但見到呢間午時四人同行三人收費，已經包邊爐蔬菜配料任食，咁抵當然要試下！肉有豬、牛、雞揀，最平$69，食好d當然就再貴少少湯底有幾款可選，今次揀左蕃茄湯，顏色就夠但蕃茄味不足。至於肉份量還可以，肉質普普通通，當然以呢個價錢黎講算係不過不失。邊爐一人一窩，完全可以按自已口味落料，不過因為窩比較細，湯好易滾瀉，要小心。配料選擇唔算多，但個人覺得可以接受（畢竟平！），而且蔬菜大部分都幾新鮮，鼓勵我食得健康d哈哈主食有烏冬、蕎麥麵、飯揀，唔怕唔夠飽。飲品同乳酪雪糕都係任食，臨走整番杯雪糕，prefect!而且座位夠闊，裝修亦唔馬虎，星期一至四午餐冇限時，係入面慢慢食都真係幾嘆～講真唔期望有超好質素，畢竟價錢仲平過去連鎖快餐店食。食物質素不過不失，亦都坐得舒服，性價比可以話係極高！